Sa metrica semplificada pro chie est imparande
Inoche provamus a semplificare sa metrica, cuncentrandenos in sas rigas chi venini fatziles a chie est cuminzande.
Sa metrica de sa poesia sarda prevedit casos meda, inoche nonde ammustramus mancu su mesu. Chie est imparande si cuncentrat in custos casos pius fatziles e podet imparare custos.
Sas possibilidades pro cuminzare sa riga sunu infinias, ma a s'ischente dana petzi iffadu.
Sepperare un cuminzu sicuru cheret narrere ghirare ja mesu riga chin sa metrica zusta!
Custu valet ottentu in duos ghettos: s'uriccia imparat in presse a distinghere uno de sos duos e a azustare su garrigu in mesu cantare.
Si issu cantare mi abizzo chi apo isbagliau, ripito dae capu sa prima parte de sa riga, sicuru chi siat zusta prima de sichire.
Su cuminzu de sa riga = 5 CHIMBE sillabas
Su cuminzu de sa riga at sempere 5 CHIMBE sillabas.
Su accentu pius importante este fissu in sa sillaba numeru 4 BATTORO. Si custu non suzzediti soe isbagliande e deppo curreggire su chi so cantande.
Si azzecco custu cuminzu de riga, apo ja ghirau su mesu de su risultau chin sa metrica comente si toccata!
primu ghettu
custu ammentat s'improvvisadore:
FIR ma su VO lu.
S'agabbu de sa riga = 6 SES sillabas
S'agabbu de sa riga at sempere 6 SES sillabas. Duncas este pius longu de su cuminzu ma solu de 1 UNA sillaba.
S'accentu pius importante este fissu in sa sillaba numeru 5 CHIMBE. Si custu non suzzediti soe isbagliande e deppo curreggire su chi so cantande.
Su numeru de sas sillabas este s'importante! S'improvvisadore issu allenamentu suo depet contare 6 SES sillabas e depet ponnere s'accentu issa penultima sillaba.
Dae s'allenamenu, s'uriccia diventat capassa a distinghere su zustu dae s'isbagliau. Cust'ala est pius complicada de sa 'e prima, ca sa riga est ja impostada pro su chi unu depet narrere dae SU CUMINZU de sa riga.
Est una vona idea a si esercitare a imbentare SOLO s'agabbu de sa riga, chene su cuminzu. Solu dopo cando si non s'isbagliat piusu s'agabbu a sa sola e su cuminzu a sa sola si podet partire a improvvisare sa riga cumpleta.
Si apo su possessu de s'agabbu de sa riga cantau SOLU, l'apo peri cando l'auno chin su cuminzu de sa riga!
primu ghettu
custu ammentat s'improvvisadore:
ME u ru si GNO lu
Sa riga intrega = 11 UNDIGHI sillabas
Su cuminzu e s'agabbu de sa riga paris cumponini sa riga cumpleta. Duncas 5 CHIMBE sillabas + 6 SES sillabas li data 11 UNDIGHI sillbas.
S'improvvisadore chi si est allenau a fachere su cuminzu e s'agabbu a contu issoro, si acatat ja capassu de cunzare sa riga chin sa metrica zusta.
Non b'at de inventare propriu nudda.
primu ghettu
custu ammentat s'improvvisadore:
DUN cas ri SPON do / A s'o ra zi O ne
Unu paccu de pratica: una moda intrega a metrica semplificada
Apo piccau sa prima Moda chi m'est capitada a ghettu, dae Youtube. Sa moda aviat ja peri su testu iscrittu.
La presento inoche curretta dae mene e chin s'originale a fiancos.
Sa moda si preparavat a tavolinu e si vattiat pronta a sa vidda. Duncas applicare custas regulas a tavolinu permittit de las cumprendere vene in una poesia longa e chi at regulas pro essere retrogada. Su poeta no est improvvisande duncas chircat chin calma sas paragulas chi li servini e assa riga podet applicare chere presse sas indicazione pro sa metrica semplificada.
Mario Masala - Moda a Su Nuraghe
Fit sa Sar di gna / pri va da de pa ghe ..............ORIGINALE:Fit sa sar di gna / invasa e priva 'e paghe
Sa I Trassa: Sa Cesura
Como chi su sistema ndel'amus cumpresu cuminzamus a ponnere in ciaru sa prima cosa.
Eo apo suggeriu de ponnere a un'ala SEMPERE su cuminzu dae su agabbu: sas duas partes piccadas a una a una si imparana a sa sola, e solu dopo si attaccana.
Custu chi uso eo no este una invenzione mea, esistit dae meda e si nata CESURA. Propriu comente in sardu sa cesura este unu ostaculu a limite tra duos terrinos, gasi tottu est in poesia. Sa cesura issa riga de undighi sillabas est sempere esistia. Su chi contata est si la marcare oppuru nono e dopo cale sillaba rughete.
Ecco tando chi sa CESURA issa metrica semplificada chi uso eo este sempere dopo sa sillaba 5 CHIMBE. Duncas prima boll'apo ammustrada in usu, chene muttire muttu, como bos so peri ispiegande it'este. Duncas toccat de li dare attenzione: est in cue ca depet rughere in cue.
Ma ecco unu esempiu, sa cesura la signalo chin un'isbarra doppia: ||. De solitu uso su simbolu de s'isbarra in arzada, ma non ciambat propriu nudda: /.
DUN cas ri SPON do || A s'o ra zi O ne
A Concluos
Vat improvvisadores de palcu chi isbagliana sa metrica. Calicunu addirittura l'isbagliat a cada ottada e in pius rigas! No andat bene... cussos non sun Poetas! Medas de custos no iscini sa metrica zusta oppuru l'iscini ma non resessini a l'onorare improvvisande. Calicunu pessat chi non siat mancu importante, e puntat in ateras cosas.
Pro mene chie isbagliat sa metrica est unu improvvisadore ma no est unu poeta. Eo apo chircau una soluzione chi so usande e m'azudata.
Duncas, sa metrica est pro mene su primu problema de unu improvvisadore chi cuminzat. No est fatzile e, si unu non resessit de ateru ghettu, depet acattare carchi trassa chi li semplificat sa vida. Bos apo iscrittu su chi so achende eo e pruite lu so achende. Est una soluzione chi funzionat e chi rendet s'Improvvisadore quasi infallibile, ma cheret cumpresa e cheret imparada chene presse.
Su problema si risolvet a cantos, imparande prima a onorare sa metrica de su cuminzu poi a un'ala sa metrica de s'agabbu. A cussu puntu sas duas cosas si sumana pro achere una riga intrega.
Como ite suzzediti?
Amus vidu tottu su chi toccat de viere pro usare sa metrica semplificada. Toccat de colare a una surra de esercizios pro l'imparare issu pappiru (utile pro achere su SONETTO finale de dispedida o una MODA).
S'improvvisadore depet usare sa metrica improvvisande issu paccu chi resessit assa prima. Bastana peri solu sa prima riga o sa prima e sa sicunda riga pro viere si essini vene chin sa metrica chi deppene jucchere.
S'idea est chi depet per fortza essire zustu su CUMINZU de sa riga, si nono est inutile a continuare chissu restu...
Si s'improvvisadore sind'abbizzata chi est isbagliande su cuminzu, depet ripartire chissu cuminzu zustu pro sa mattessi cosa chi it nande prima, e poi agabbare chissu AGABBU ponende iffattu assa metrica semplificada.
S'improvvisadore si depet ponnere iss'ottica chi dae custu momentu non sunu pius atzettadas ottadas chi non rispettana sas regulas e mancu rigas singulas.
Dae noche cussizzo de colare ass'ala de S'ISPONTANEIDADE
