Unu istudiu, atu chissos istrumentos de sos inzenieris, pro andare incontru a sos zovanos improvvisadores
Autore: Paolo Cusinu
Custas paginas sunu iscrittas comente appuntos pro azudare unu zovanu appassionau chi cheret a improvvisare issu tentativu de nd'achere una bella die unu poeta improvvisadore in limba logudoresa.
Sunu su fruttu de sas ideas, de s'istudiu e de sos tentativos chi apo atu eo pro podere improvvisare e los cunsigno pro chi potzana azzudare calicun ateru puru. Eo no so unu poeta de professione e mancu unu improvvisadore bravu, ma apo sa passione pro improvvisare e depende imparare su chi no iscio galu apo iscrittu custos appuntos.
Pro diventare unu poeta improvvisadore vi cheret su DONU naturale, peroe pro viere si unu juchet su donu depet provare ed est suzzettu ad are bisonzu de azudu.
Nonb'este unu manuale operativu chi potzat azudare su giovanu improvvisadore a diventare poeta, e non b'at mancu un'iscola de achere pro imparare.
Paulu Pillonca at attu unu tribbagliu de analisi da encomiu comente tottu iscimus: peroe no at iscrittu una riga sola pro azudare unu giovanu improvvisadore a mezzorare...
Sa cultura mea de inzenieri est particolare ca tribbagliat comente una leva pro acattare sa sustanzia de su problema e dare una soluzione (non sa soluzione ma una valida assu nessi). Si poi sa soluzione no azzudat passenzia!
Un Esempiu
SA METRICA est sa prima ala chi apo approfondiu, ca sicunde mene est su primu ostaculu chi si incontrat cando unu cheret improvvisare.
So sicuru chi sos solitos barrosos ana a narrere CHIE SES TUE PRO INSEGNARE SA METRICA, ecc. ecc... NISCIUNE ma apo imparau unu zertu numeru de notziones de metrica poi apo depiu seperare su chi resessio a facchere derettu e su chi apo potziu imparare.
Assa ine so arribbau a detzidere ite achere pro sa metrica e custu est cussignau in custu tribbagliu, issa sezione SA METRICA.
Duncas
Tottu su chi si acatat inoche est forniu comente unu parere pro chie cheret imparare, duncas no est una leze o una veridade iscritta. Ma si est inoche at azudau a mimme, e comente azudu si porrit a chie leghete.
Comente cada opera de s'omine est suzzetta a juchere errores e benit curretta andande e biende.
Sa limba impreada est su Lodugoresu e sa variante de Orane.
Dae noche cussizzo de colare ass'ala de SA METRICA
So disponibile a essere cuntattau, a rispondere a dimandas e a chistionare de su pruitte de sas cosas chi naro. Usade Facebook pro cussu: Paolo Cusinu.
